ឯកឧត្តម នេត្រ ភក្ត្រា អញ្ជើញជួបសំណេះសំណាល និងផ្តល់ការតម្រង់ទិសការងារដល់អង្គភាពសារព័ត៌មាន និងសោតទស្សន៍ប្រមាណ ៣៣ អង្គភាព
ភ្នំពេញ៖ នៅព្រឹកថ្ងៃទី១៩ ខែសីហា ឆ្នាំ២០២៦ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានអញ្ជើញជួបសំណេះសំណាល និងផ្តល់ការតម្រង់ទិសការងារផ្សាយដ៏មានសារៈសំខាន់ ជូនដល់បណ្តាអង្គភាពសារព័ត៌មាន និងអ្នកអនុវត្តសកម្មភាពការងារលើវិស័យព័ត៌មាន និងសោតទស្សន៍។
ពិធីសំណេះសំណាលនេះ បានប្រព្រឹត្តទៅយ៉ាងរលូននៅសាលមណ្ឌលបណ្តុះបណ្តាល និងវិក្រឹតការវិជ្ជាជីវៈសារព័ត៌មាន ដោយមានការអញ្ជើញចូលរួមពីសំណាក់តំណាងអ្នកសារព័ត៌មាន និងអង្គភាពផ្សព្វផ្សាយដំណឹងទាន់ហេតុការណ៍ប្រមាណ ៣៣ អង្គភាព។
ជំនួបថ្នាក់ដឹកនាំ និងអ្នកអាជីពក្នុងវិស័យព័ត៌មាននេះ រៀបចំឡើងក្នុងគោលបំណងសំខាន់ៗដូចជា៖
ពង្រឹងគុណភាព និងប្រសិទ្ធភាពនៃការផ្សព្វផ្សាយព័ត៌មានឱ្យកាន់តែទូលំទូលាយ។
លើកកម្ពស់ការគោរពក្រមសីលធម៌វិជ្ជាជីវៈសារព័ត៌មាននៅព្រះរាជាណាចក្រកម្ពុជា។
ជំរុញស្មារតីទទួលខុសត្រូវខ្ពស់ក្នុងការបំពេញការងារប្រចាំថ្ងៃ។
ថ្លែងក្នុងឱកាសនោះ ឯកឧត្តមរដ្ឋមន្ត្រី បានសង្កត់ធ្ងន់យ៉ាងខ្លាំងលើតួនាទីដ៏មានតម្លៃ និងសសរស្ដម្ភមិនអាចខ្វះបាននៃប្រព័ន្ធផ្សព្វផ្សាយ ក្នុងការផលិត និងផ្ដល់ព័ត៌មានពិត ត្រឹមត្រូវ ឆាប់រហ័ស និងទាន់ពេលវេលាជូនដល់សាធារណជន ដែលជាកម្លាំងចលកររួមចំណែកយ៉ាងសំខាន់ដល់កិច្ចអភិវឌ្ឍសង្គមជាតិ។
ជាចុងក្រោយ ឯកឧត្តម នេត្រ ភក្ត្រា ក៏បានប្រគល់នូវអនុសាសន៍គន្លឹះ និងកំណត់ទិសដៅការងារអាទិភាពមួយចំនួន ដើម្បីធានាថា អ្នកសារព័ត៌មានគ្រប់រូបអាចបន្តបំពេញភារកិច្ចដ៏មានកិត្តិយសនេះ ប្រកបដោយវិជ្ជាជីវៈខ្ពស់ សុចរិតភាព និងស្ថិតក្រោមក្របខណ្ឌច្បាប់ និងបទប្បញ្ញត្តិជាធរមាននៃព្រះរាជាណាចក្រកម្ពុជា៕