កិច្ចប្រជុំបូកសរុបលទ្ធផលការងារប្រចាំខែសីហា និងលើកទិសដៅការងារខែកញ្ញា ឆ្នាំ២០២៦ របស់រដ្ឋបាលខេត្តកណ្តាល
ខេត្តកណ្តាល៖ នៅព្រឹកថ្ងៃសុក្រ ទី៤ ខែកញ្ញា ឆ្នាំ២០២៦ ឯកឧត្តម គួច ចំរើន អភិបាល នៃគណៈអភិបាលខេត្តកណ្តាល បានអញ្ជើញជាអធិបតីភាពដ៏ខ្ពង់ខ្ពស់ក្នុងកិច្ចប្រជុំបូកសរុបលទ្ធផលការងារប្រចាំខែសីហា និងលើកទិសដៅការងារសម្រាប់ខែកញ្ញា ឆ្នាំ២០២៦ របស់រដ្ឋបាលខេត្ត។
កិច្ចប្រជុំនេះ មានការអញ្ជើញចូលរួមពីសំណាក់ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល ព្រមទាំងលោក លោកស្រី ស្នងការរង លោកអធិការនគរបាលក្រុង-ស្រុក និងមន្ត្រីជំនាញពាក់ព័ន្ធជាច្រើនរូបទៀត នៅឯសាលប្រជុំសាលាខេត្តកណ្តាល។
គោលបំណងនៃកិច្ចប្រជុំ៖ ការត្រួតពិនិត្យ និងវាយតម្លៃលើកិច្ចខិតខំប្រឹងប្រែងអនុវត្តការងារកន្លងមក ព្រមទាំងការដាក់ចេញនូវទិសដៅយុទ្ធសាស្ត្រថ្មីៗសម្រាប់ខែកញ្ញា។
ភារកិច្ចស្នូល៖ ការពង្រឹងសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គមជូនប្រជាពលរដ្ឋទូទាំងខេត្តកណ្តាល។
តាមរយៈកិច្ចប្រជុំនេះ ថ្នាក់ដឹកនាំរដ្ឋបាលខេត្ត និងកម្លាំងមានសមត្ថកិច្ចគ្រប់លំដាប់ថ្នាក់ បានបង្ហាញពីប្តេជ្ញាចិត្តខ្ពស់ក្នុងការបន្តពង្រឹងប្រសិទ្ធភាពការងារថែរក្សាសន្តិសុខមូលដ្ឋាន និងឆ្លើយតបឱ្យបានទាន់ពេលវេលាចំពោះរាល់បញ្ហាប្រឈមនានា ដើម្បីធានាបាននូវសុខសន្តិភាព និងភាពសុខដុមរមនាជូនប្រជាពលរដ្ឋក្នុងខេត្តកណ្តាល៕
អត្ថបទដោយ លោក រ៉េត ឌីណេត
ផ្សាយ ថ្ងៃសុក្រ ៧រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែកញ្ញា ឆ្នាំ២០២៦